اشتغلت مع أكتر من 50 عميل في 10 سنين، دي أهم حاجات اتعلمتها
من شوية جت في دماغي اعمل ليستة للعملا اللي اشتغلت معاهم العشر سنين اللي فاتوا ولقيتهم فوق الـ ٥٠ عميل ويمكن اكتر لكن ده اللي افتكرته ومع الوقت لاحظت حاجات كتير حابب إني اشاركها معاكم.
- طريقتك في تقديم نفسك وشغلك لازم تطور من عميل للتاني وتهتم جدا بالتفاصيل، أغلبنا يكون عامل شغل حلو لكن مش عارف يوضحه كويس.
- التسعير مهم جدا عشان تعلي جودة شغلك وجودة العميل بتاعك.
- الحاجة اللي فرقت جدا، إنك تصاحب العميل تسمع منه هو عايز يعمل ايه ماتخليهوش هو اللي يقولك اعمل وماتعملش، اعرف مشكلته واقترح عليه حلول (دي هتيجي مع الخبرة والوقت).
- ذاكر، ذاكر، ذاكر.. المذاكرة بتخليك شخص فاهم خبايا المشروع وتبقى عارف ازاي تطوره وكمان توصل اللي انت عملته للعميل بشكل كويس لإنك فعلا فاهم بعمق.
- هتعرف مع الوقت إمتى تقول إن العميل ده مش مناسب ليك.
- المحتوى اللي بتنزله على السوشيال ميديا مهم جدا وله تأثير كبير جدا.
- إنك تهتم بشبكة علاقتك ده هيخليك تتكلم بثقة أكتر وهيخلي العميل واثق فيك بشكل كبير.
- لما تسلم مشروع، على فترات متباعدة كلم العميل وشوف لو عنده مشاكل أو صعوبات في الشغل أو لو محتاج تحديث وتطوير إعرض ده عليه.
- العميل هو أقوى أداة تسويق ليك. لما تقدم شغل وخدمة كويسة، العميل هيستمر معاك سنين وهيرشحك لغيره، ودي من أحسن مراحل الـ freelancing.