حاجات ممكن تعطل مشروعك كصاحب بيزنس وانت مش واخد بالك
فيه شوية حاجات ممكن تعطل المشروع بتاعك كصاحب بيزنس وانت مش واخد بالك منها، فلازم تبقى حاطط ده في الحسبان.
- مشاكل الإنتجريشن والإجراءات والموافقات (بوابات الدفع، مراجعة Apple وGoogle، WhatsApp API…)، عشان كده حاول تبدأ فيها بدري.
- الدعم بتاع الخدمات الخارجية اللي انتوا مستخدمينها ساعات بيتأخروا في الرد، فالأفضل قبل ما تتعاقد مع أي حد منهم، تشوف الفيدباك عن الدعم بتاعهم الأول.
- تكونوا شغالين بتكنولوجي قديمة جداً فالدعم ليها بيكون صعب، أو حد من التيم لسه محتاج يتعلمها. لو مضطر تشتغل بيها، حط estimation منطقي مع التيم بتاعك من البداية.
- وأهم حاجة، التأخير الداخلي: ساعات بيكون حد من التيم مستني زميله عشان يوافق على تصميم، محتوى، إلخ. فدايماً تابع مع التيم بتاعك أول بأول، واعرف لو فيه حاجة واقفة أو متعطلة عن حد تاني.